Ibang sigla ang nararamdaman ni Dr. Anthony Fauci dahil sa bagong upong lider ng kanilang bansa ngayong patuloy ang paglaban nito kontra COVID-19.
Sa unang pagharap sa media ni Fauci na isang infectious disease specialist, sinabi nito na kanyang ikinatuwa ang pahayag ni US President Joe Biden na ang national strategy kontra COVID-19 ng Estados Unidos ay komprehensibo dahil sang-ayon ito sa siyensya.
Dagdag pa ni Fauci, dahil sa pananaw na ito ni Biden, talaga aniyang ‘liberating feeling’ ito para sa kanilang mga dalubhasa pagdating sa infectious diseases.
Sa huli, iginiit ni Fauci na ang handa siyang ibigay ang kanyang kaalaman at serbisyo para makatulong sa matagumpay na paglaban ng kanilang bansa sa banta ng COVID-19.
