Panahon na upang ihayag ni Interior and Local Government Secretary Mar Roxas kung ano ang kaniyang plano para sa 2016 Presidential elections.
Ito ang inihayag ni Senate President Franklin Drilon kasunod ng pahiwatig ng suporta ng ilang miyembro ng Partido Liberal hinggil sa nilulutong tambalang Poe-Roxas at Poe-Chiz.
Sinabi ni Drilon, hinihintay niya na lamang ang mismong sasabihin ni Roxas kung tatakbo ba ito o hindi bilang Pangulo sa darating na halalan.
Bagama’t may sinusunod silang proseso sa Lapian, sinabi ni Drilon na kailangang masiguro na mayroong magpapatuloy sa mga reporma at transpormasyong sinumulan ni Pangulong Noynoy Aquino pagkatapos ng termino nito sa susunod na taon.
By Jaymark Dagala
