Pumanaw na rin ang driver ni dating Pangasinan governor at congressman Amado Espino Jr., isang araw matapos silang tambangan sa bahagi ng San Carlos City.
Ayon kay Pangasinan Police Chief Colonel Redrico Maranan, nasawi si Agapito Quizon, driver ni Espino, kagabi habang ginagamot sa ospital dahil sa mga tinamong tama ng bala sa katawan.
Magugunitang hinarang at pinagbabaril ng mga hindi pa nakikilalang armadong kalalakihan ang convoy ni Espino sa Barangay Magtaking noong Miyerkules.
Agad naman nasawi sa insidente ang police security escort ni Espino na si PO3 Richard Esguerra.
Habang nagawa pa ng driver na si Quizon na madala sa ospital ang dating gobernador sa kabila ng mga tinamo nitong sugat.
Sa kasalukuyan, nasa stable na kondisyon na si Espino at nagpapagaling sa ospital kasama ang iba pa niyang escorts.
