Kasalukuyan nang bineberipika ng Pambansang Pulisya ang inilabas na bagong drug matrix ni Pangulong Rodrigo Duterte.
Ito’y makaraang ihayag ng Pangulo na may ilang drug lord umano ang nagpopondo sa isis inspired Maute terror group para maghasik ng gulo sa Marawi City.
Ayon kay PNP Spokesman Chief Superintendent Dionardo Carlos, inaalam na rin nila ang pagkakasangkot ilang mga lokal na opisyal at iba pang malalaking personalidad sa iligal na droga.
Binigyang diin ni Carlos na bagama’t galing na mismo sa Pangulo ang impormasyon, mainam pa rin aniyang maging maingat upang maging sigurado sa mga ikakasa nilang operasyon laban sa mga ito.
—-
