Ang local government unit (LGU) ang nagsama-sama ng relief goods mula sa DSWD at sa non-government organization na Angat Buhay sa isang bodega sa Ifugao.
Ayon ito kay DSWD Secretary Erwin Tulfo matapos mag post online ang Angat Buhay ng mga litrato ng kanilang ayuda sa mga biktima ng pagbaha sa Banaue kabilang ang mga kahon ng relief goods ng DSWD na isinama sa mga ayuda ng nasabing NGO.
Binigyang diin ni Tulfo na ipinagbabawal ng batas na ipadaan ng DSWD ang relief goods nito sa mga NGOs at dapat direktang ipamahagi sa mga kinauukulang LGU.
