Target maglunsad ng Department of Social Welfare and Development ng bagong digital platform na gagamitin sa pagpo-proseso ng mga donasyon.
Ayon sa DSWD, ilalabas ang nasabing digital platform sa martes at tatawagin itong kaagapay donations portal.
Sinabi ng ahensya na maaaring gamitin ng mga donor ang website sa pagpapadala ng cash o in-kind donations na gagamitin sa pamamahagi ng tulong sa mga maaapektuhan ng kalamidad.
Ang paglulunsad sa naturang portal ay bahagi ng pagdiriwang ng ika-74 na anibersaryo ng DSWD. - Sa panulat ni John Riz Calata
