Nagpaabot ng pagbati ang pamunuan ng Department of Social Welfare and Development (DSWD) sa publiko ngayong araw ng Pasko.
Ayon sa DSWD, sa kabila ng nagpapatuloy na banta ng pandemya, kabi-kabilang kalamidad, at iba pang pangyayaring sumubok sa bansa at sa bawat Pilipino, patuloy pa rin ang ating paglaban at pag-asa sa isang magandang bukas.
Dagdag pa ng DSWD, kaisa sila ng bawat Pilipino sa panalanging magkaroon na ng lunas sa nakamamatay na virus.
Bukod pa rito, dasal din ng DSWD ang muling pagbangon ng bawat Pilipino sa kahirapan.
Sa huli, tiniyak ng DSWD na patuloy ang paghahatid nila ng tulong sa publiko sa anumang oras.
