Naalarma ang Bureau of Immigration sa pagtaas ng bilang ng mga rehistradong sex offender na sinusubukang pumasok sa Pilipinas.
Ayon sa BI, nasa mahigit 150 dayuhan na sex offender ang napigilan nilang pumasok sa mga paliparan sa bansa mula noong Enero.
Karamihan sa mga ito ay naharang sa Ninoy Aquino International Airport, habang ang iba naman ay hinarang sa mga paliparan sa Mactan, Cebu, at Clark, Pampanga.
Kabilang sa mga sex offender na naharang ng BI ang foreigner na si Francisco Narvios Tecson na na-convict sa Texas sa pagkakaroon ng indecent contact sa isang walong taong gulang na bata. - sa panulat ni Charles Laureta
