Binuweltahan ni Pangulong Rodrigo Duterte si Cebu City Mayor Tomas Osmeña na bumatikos sa ‘war on drugs’ ng gobyerno.
Sa 49th Mandaue City Charter Day Celebration sa Cebu, pinaulanan ni Pangulong Duterte ng sermon si Osmeña at binatikos ang pagiging arogante umano nito.
Tila ang alkalde aniya ang nagmamay-ari ng Cebu City matapos umano nitong ihayag na dapat iwasan ng Palasyo na makisawsaw sa problema ng iligal na droga sa lungsod.
