Hinikayat ng Pangulong Rodrigo Duterte ang bawat Pilipino na maging bayani sa harap ng pandemya.
Sa kanyang mensahe para sa ika-122 anibersaryo ng Araw ng Kalayaan, sinabi ng Pangulo na dapat samantalahin ng bawat Pilipino ang pagkakataon na ipakitang taglay ng bawat isa ang kabayanihan, katapangan at pagiging marangal ng ating mga ninuno na nakipaglaban para sa kalayaan ng bayan.
Hinikayat ng Pangulo ang lahat na umabante ng may tapang, pagasa at optimismo upang malabanan ang kinakaharap nating pandemya.
