Kasama ni Pangulong Rodrigo Duterte na bumati sa mga delegado ng ASEAN Summit ang kanyang common-law wife na si Honeylet Avanceña.
Si Avanceña ang nagsisilbing official hostess ng mga spouses o maybahay ng mga heads of states ng ASEAN-member countries.
Sinasabing hindi ito ang kauna-unahang pagkakataong nag-host ng leader’s spouse si Honeylet sapagka’t nasubukan na niya ito nang dumalaw si Japanese Prime Minister Shinzo Abe sa Davao City.
Samantala, sa kanyang talumpati sa ginaganap na summit, nanawagan si Pangulong Duterte sa mga kasapi ng ASEAN na isulong ang pagbabago sa kanilang hanay at magkaisa para sa kapakanan ng bawat miyembro.
Muli ring hinimok ang ASEAN-member countries na magkapit-bisig laban sa iligal na droga, terorismo, piracy at iba pang krimen para sa kaligtasan ng kanilang mga mamamayan sa rehiyon.
PAKINGGAN: Bahagi ng talumpati ni Pangulong Rodrigo Duterte
By Jelbert Perdez
