Ibinunyag ni incoming president Rodrigo Duterte na inalok niya ng pardon si dating pangulong Gloria Arroyo subalit tumanggi ito sa nasabing hakbang.
Ayon kay Duterte, kinausap niya mismo si arroyo hindi dahil magkaibigan sila kundi dahil batid niya bilang abogado at prosecutor ay walang malakas na kaso o ebidensya laban sa dating pangulo.
Ipinaliwanag ni mayor Rody na hindi na dapat pang umamin sa kasalanan para mabigyan ng pardon.
Binigyang diin ni Duterte na walang solidong basehan ang kasong isinampa laban kay Arroyo dahil sa umano’y anomalya sa paggamit sa 366 million peso intelligence funds ng PCSO.
By: Drew Nacino
