Umapela ang Pangulong Rodrigo Duterte sa Asian Development Bank (ADB) na magkaroon ng agresibong papel sa Build, Build, Build Program ng gobyerno.
Kasunod na rin ito nang pakikipagpulong ng Pangulong Duterte kay ADB President Masatsugu Asakawa sa palasyo.
Tiwala ang Pangulo na patuloy na susuportahan ng ADB ang mga pang imprastrukturang programa ng pamahalaan.
Nagpasalamat ang Pangulo sa ADB dahil sa patuloy na apgsuporta sa mga programa ng gobyerno na malabanan ang kahirapan at pagbibigay ng magandang kalidad na trabaho sa mga Pilipino.
Kasama ng Pangulo sa nasabing pulong sina Finance Secretary Sonny Dominguez, Bangko Sentral ng Pilipinas Governor Benjamin Diokno, Senador Bong Go at iba pang opisyal ng ADB.
