May mahalagaang ihahayag si Davao City Mayor Rodrigo Duterte ngayong araw.
Batay sa abiso ng City Information Office ng Davao City, gagawin ang nasabing pahayag mamayang alas-4:00 ng hapon sa Grand Men Seng Hotel.
Dito kadalasang nakikipagpulong si Duterte sa mga miyembro ng media gayundin sa mga taong nais siyang makausap.
Gayunman, tumanggi ang Chief Aide ni Duterte na si Lawrence Go na magbigay pa ng karagdagang detalye o maging pahaging kung ano ang magiging laman ng ihahayag ng alkalde.
Ngunit ayon sa source ng CNN Philippines, posibleng dito na opisyal na ihayag ni Mayor Digong ang kaniyang kandidatura sa darating na halalan sa susunod na taon.
By Jaymark Dagala
