Nakikipag-ugnayan na ang Philippine Red Cross (PRC) sa lahat ng mga pribado at pampublikong paaralan para sa pagsasagawa ng earthquake drill isang linggo bago ang pasukan.
Ito’y makaraang tukuyin ng Philippine Institute of Volcanology and Seismology o PHIVOLCS ang mga paaralang sakop ng 100 kilometer danger zone ng West Valley Fault.
Ayon kay Red Cross Chairman Richard Gordon, kinakailangang maging laging handa sa ganitong panahon lalo’t hindi batid kung kailan tatama ang malakas na lindol.
Kasunod nito, hinimok din ni Gordon ang mga pampubliko at pribadong tanggapan gayundin ang mga nasa gusaling saklaw ng West Valley Fault na makiisa sa mga kahalintulad na aktibidad.
By Jaymark Dagala
