Ilang fixer umano ng ECQ ayuda ang arestado sa lungsod ng Pasig.
Ayon kay Pasig City Mayor Vico Sotto, nagbibigay ang mga fixer ng ayuda form na katulad sa iba pang lokal na pamahalaan.
Sa P4,000 anyang ayuda, P1,000 dito ay mapupunta sa na-recruit habang ang natitirang P3,000 ay paghahatian ng mga fixer at validator.
Iniimbestigahan na anya ng pulisya ang nasabing modus habang magkakasa rin ng karagdagang entrapment operation sa iba pang suspek.
Nagbabala naman si Sotto sa mga nagtatangkang magsamantala at mang-lamang na maaari silang makulong at maharap sa patong-patong na kaso.—sa panulat ni Drew Nacino
