Arestado ang tatlong lalaki matapos makuhanan ng umano’y party drug na ecstasy sa ikinasang buy-bust operation ng Philippine Drug Enforcement Agency at Southern Police District sa Parañaque City.
Agad na nagkasa ng operasyon ang mga otoridad matapos makatanggap ng impormasyon na sangkot sa pagbebenta ng party drugs ang mga suspek.
Nasabat sa mga ito ang 105 piraso ng ecstasy na nagkakahalaga ng P178,500, buy-bust money at mga cellphone.
Nahaharap ang mga suspek sa kasong paglabag sa Republic Act 9165 o “the Comprehensive Dangerous Drugs Act of 2002″.—sa panulat ni Hyacinth Ludivico
