Maniningil na ng pamasahe sa EDSA bus carousel simula bukas, Huwebes, Hulyo 1.
Ito ang inanunsyo ni LTFRB Chairman Martin Delgra kung saan papatak sa P13.00 hanggang P61.00 ang pamasahe sa bus carousel.
Ibig sabihin ay huling araw na ngayon ng pagkakaroon ng libreng sakay.
Ang libreng sakay ay bahagi ng service contracting program ng Department of Transportation at LTFRB sa ilalim ng Bayanihan 2 na mapapaso na rin ngayong araw.
Gayunman sinabi ni Delgra na susubukan ng ahensya na ibalik ang libreng sakay ngunit hindi ito tiyak kung kailan.
