Tumangging magkomento si PNP Chief Police General Guillermo Eleazar kaugnay sa posibilidad na pagtakbo bilang senador sa 2022 Elections sa gitna ng paglabas ng mga grupong sumuporta sa kaniya.
Sa isang panayam sinabi ni Eleazar, na mahirap pag-usapan ang pulitika dahil posible nitong mabigyan ng kulay ang kaniyang mga pagsisikap sa PNP na aniya’y ginagawa naman niya noon pa man.
Sa ngayon, ani Eleazar ayaw niyang mabaling sa iba ang kaniyang atensyon dahil may iba siyang nais pagtuunan ng pansing ngayon.
Dagdag pa ni Eleazar, nais niya lamang magpahinga at mas lalong magkaroon ng oras sa kaniyang pamilya pagkatapos ng kaniyang panunukulan bilang PNP Chief.
