Nakahanda na ang lahat ng suplay at kagamitan na gagamitin para sa Barangay at Sangguniang Kabataan Elections (BSKE) sa Oktubre 2023
Ito ang tiniyak ni Commission on Elections o Comelec chairman George Garcia na umaasang mai-de-deliver na ang mga election paraphernalia bago matapos ang taon.
Dagdag pa ni Garcia, hindi nakadepende ang kanilang kahandaan sa mga isyu na nakapaligid sa pagdaraos ng BSKE, kung ito ay gaganapin sa Disyembre 2022 o Oktubre 2023.
Magugunitang matapos lagdaan ni Pangulong Ferdinand Marcos, Jr. ang Republic Act 11935 ay inaprubahan nito ang pagpapaliban ng BSKE mula sa orihinal nitong petsa na Disyembre 5, 2022 sa huling Lunes ng Oktubre 2023. —sa panulat ni Hannah Oledan
