Pinabulaanan ni Elmo Magalona ang mga balitang binuwag na ang tambalan nila ng young actress na si Janella Salvador.
Ito ay matapos na hindi na nakikita ang dalawa sa kahit na anong mga shows o pelikula.
Matatandaang nuong nakaraang buwan lamang ay gumawa ng movie si Janella ngunit hindi si elmo ang kanyang ka loveteam dito, kung hindi ang bagong aktor na si Jameson Blake.
Pero kwento ni Elmo, habang shino-shoot ang pelikula niyang ‘Walwal’ ay nagpunta si Janella sa kanilang set para dalhan siya ng pagkain.
Nang tanungin kung ano na nga ba ang estado ng relasyon nila ngayon ni Janella, ang tangi lamang naisagot ni Elmo ay higit pa sa kaibigan ang turingan nilang dalawa.
