Tiwala si Philippine Navy Flag Officer in Command Rear Admiral Robert Empedrad na lalabas ang katotohanan sa umano’y anomalya sa Multi Billion Frigate Deal ng Philippine Navy.
Kasunod na rin ito ng itinakdang imbestigasyon ng senado bukas sa nasabing usapin kung saan dadalo rin si Empedrad.
Idinipensa muli ni Empedrad si Special Assistant to the President Christopher Bong Go na walang kinalaman sa naturang kasunduan.
Nakatakda ring dumalo sa pagdinig si Dating Navy Chief Vice Admiral Ronald Joseph Mercado na sinibak sa puwesto ni Defense Secretary Delfin Lorenzana matapos mawalan ng tiwala dahil sa pagkaantala ng naturang proyekto.
