Naging emosyonal ang komedyanteng si Empoy sa suporta at popularidad na kanyang tinatamasa ngayon.
Ito ay matapos na bumida ang aktor sa pelikulang “Kita Kita” kasama ang aktres na si Alessandra de Rossi na umani ng magagandang reviews mula sa mga Pinoy movie goers.
Ani Empoy sa labing-apat na taon niya sa showbiz ay hindi niya inakalang darating sa kanya ang ganitong pagkakataon, aniya nag-uumapaw ang sayang kanyang nararamdaman sa pagmamahal na ibinibigay ng mga Pilipino.
Sinabi ni Empoy na hindi niya maiwan ang pag-aartista dahil hanggat may napapasaya aniya siya at may tumatawa sa kanyang mga palabas ay lalo pa niyang mamahalin ang trabaho.
Matatandaang sa loob lamang ng dalawang linggo ay kumita na ang pelikulang “Kita Kita” ng aabot sa P230 million.
“In the works” na din ang susunod na pelikula nila ni Alex na posibleng kunan sa Iceland.
Pagtitiyak ni Empoy: “Paniguradong mamahalin ulit nila ang bagong proyekto namin.”
—AR/ DWIZ 882
