Nais makatambal ng tinaguriang “Millenial Leading Man” na si Empoy Marquez ang mga aktres na sina Liza Soberano at Kaye Abad.
Ito ang kaniyang inihayag sa grand press conference ng kaniyang bagong pelikula na “The Barker” ni Direk Dennis Padilla.
Ayon kay Empoy, sa kabila man ng kaniyang tinatamasang tagumpay ngayon matapos tumabo sa takilya ang kaniyang nakaraang pelikula na “Kita Kita” hindi aniya siya magiging mapili sa pagtanggap ng mga proyekto.
Igagalang din umano niya kung anuman ang desisyon ng management sa kaniyang career o kung sinoman ang kaniyang magiging leading lady.
Pero kung siya lang daw ang tatanungin ay pangarap din niyang gumanap bilang Dolphy sa remake ng pelikulang “Ang Tatay Kong Nanay”.
