Nakatakdang magbalik operasyon ang tanyag na theme park sa Laguna ngayong buwan ng Oktubre.
Sa post online ng Enchanted Kingdom, binahagi nito ang mga larawang nagpapakita ng pag-iinspeksyon ng mga kawani ng Department of Tourism (DOT) at ni Sta. Rosa, Laguna Mayor Arlene Arcillas.
Kabilang sa mga ipinagmalaki ng Enchanted Kingdom ay ang mga hakbang nito para tumalima sa mga health protocols kontra COVID-19, sakaling payagan na ito magbukas sa publiko.
Mababatid na ilan sa mga ipatutupad na health protocols ng theme park ay ang mga sumusunod:
- pagbabawal sa pagtatabi ng mga sumasakay sa rides,
- paglalagay ng pamunuan ng Enchanted Kingdom ng hand washing stations,
- at, paglalagay ng ilang markings na nagpapaalala sa pagsunod ng social distancing, at iba pa.
