Trabaho muna ang tututukan ngayon ni Enchong Dee.
Ito ang ipinabatid ni Enchong makaraang makipag-break ito sa kanyang kasintahang si Samantha Lewis.
Ayon sa batang aktor, hindi pa siya handang makipagrelasyon ngayon kayat igugugol na lamang niya ang kanyang oras sa pagtatrabaho.
Inamin ni Enchong na oras ang isa sa mga dahilan ng kanilang hiwalayan ni Samantha ngunit hindi na ito nagbigay pa ng detalye.
Sa kabila ng break up, tiniyak ni Enchong na magkaibigan pa rin sila ng ex niyang si Samantha.
Paliwanag ni Enchong hindi nawawala ang pagmamahal sa isang tao kahit na magkahiwalay kayo nito.
By Ralph Obina
