Hindi pa senyales ng katapusan ng pagkaka-ibigan nina Vice President Jejomar Binay at Dating Pangulong Joseph Estrada ang pag-endorso ng alkalde ng Maynila kay Senador Grace Poe bilang presidential candidate sa 2016 elections.
Ito ang nilinaw ng anak ni Binay na si Makati city 2nd District rep. Abby Binay, na tumatakbo naman sa pagka-alkalde ng nasabing lungsod.
Sa proclamation rally ng United Nationalist Alliance o UNA sa Makati kahapon, inihayag ng nakababatang Binay na nirerespeto nila ang desisyon ni Estrada na suportahan ang kalaban ng ama.
Si VP Binay ang naging running mate ni Erap nang muli itong sumabak sa pampanguluhang halalan noong 2010 at kapwa nagtatag ng UNA bago opisyal na ilunsad ang dating alkalde ng Makati bilang 2016 presidential candidate ng partido.
By: Drew Nacino
