Kasado na ang mga paghahanda ng Eastern Police District o EPD sa seguridad ng publiko ngayong panahon ng kapaskuhan.
Ayon kay S/Supt. Edwin De Ocampo, deputy district director for administration ng EPD, palalakasin nila ang kanilang foot patrol operations, pagbabantay sa matataong lugar sa kanilang nasasakupan.
Nakikipag-ugnayan na rin ang EPD sa Metro Manila Development Authority o MMDA gayundin sa Highway Patrol Group o HPG para sa pagsasaayos sa daloy ng trapiko.
Kasunod nito, sinabi pa ni De Ocampo na magiging full blast din ang kanilang operasyon sa unang araw ng simbang gabi at maglalagay din sila ng mga tauhan sa mga police desk na nakakalat sa mga simbahan, mall, terminal ng bus at iba pa.
By: Jaymark Dagala
