Nakatakdang ikasal umano ang kapamilya star na si Erich Gonzales sa non-showbiz boyfriend na si Mateo Rafael Lorenzo sa March 23, 2022.
Ito’y matapos makita ng mga netizens ang larawan nina Gonzales at Lorenzo sa isang “marriage banns” bulletin board sa isang simbahan sa Metro Manila.
Kung saan, mabilis na binati ng mga netizens ang aktres, na nagpadala ng kanilang advance well-wishes.
Matatandaang, nagsimula ang mga espekulasyon tungkol sa status ni Gonzales noong 2018 nang ilarawan niya ang status ng kanyang relasyon bilang “single but not available.”
Kinumpirma naman ng akres na siya’y nililigawan ng isang non-showbiz suitor at magkasama silang nagpunta sa Japan noong nakaraang buwan.
Gayunpaman, hindi pa kinukumpirma ni Erich ang balita. —sa panulat ni Kim Gomez
