Patay ang army commander ng Nigeria na si Lieutenant General Ibrahim Attahiru at iba pang military officers matapos bumagsak ang sinasakyan nilang eroplano.
Ayon sa ulat, palapag na sana sa Kaduna International Airport ang eroplano nang bigla itong bumagsak dahil sa masamang panahon.
Inaalaam pa ng mga awtoridad ang naging sanhi ng nasabing insidente.
Samantala, ikinalungkot naman ni Nigeria President Muhammadu Buhari ang nangyari dahil malaking dagok aniya ito sa kampanya nila laban sa terorismo sa kanilang bansa.
