Binatikos ni Senador Chiz Escudero ang paninisi ni Presidential Communications Office Secretary Martin Andanar sa mga kawani ng media.
Ito ay matapos sisihin ni Andanar ang media at sabihin na mali nanaman ang report nito hinggil sa pahayag ng Pangulong Rodrigo Duterte sa Martial Law.
Sinabi ni Escudero na sa halip na manisi, dapat ay inako ni Andanar ang responsibilidad na ipaliwanag ang naturahang pahayag ng Pangulo at ipagtanggol ito.
Gawain lang aniya ng isang baguhan ang paninisi at hindi ito inaasahan kay andanar na nagmula din sa sektor ng media.
By: Katrina Valle / Cely Bueno
