Malayang pumatay ng mga salot sa droga sa Bacolod si Police Lt. Col. Jovie Espenido.
Ito mismo ay ayon kay Pangulong Rodrigo Duterte kasunod ng pagkakalipat at pagkakatalaga bilang Deputy Police Director for Operations ng Bacolod City Police Office ni Espenido.
Sa talumpati sa EXPO sa Manila Hotel sinabi ng Pangulo na may problema rin sa iligal na droga sa Bacolod kaya dito itinilaga si Espenido.
Kilala aniya si Espenido na walang sinasanto sa mga nasasangkot sa iligal na droga kaya iniutos nito na patayin ang lahat ng mga masasangkot.
Tiyak naman ng Pangulo na sakaling maasunto si Espenido ay kaniya itong sasamahan sa kulungan.
