Nagbanta si Senador Antonio Trillanes na kanya ring sasampahan ng ethics complaint ang kapwa senador na si Richard Gordon.
Ayon kay Trillanes, maghahain siya ng ethics case laban kay gordon dahil sa aniya’y unparliamentary at unethical acts nito bilang senador at pinuno ng Senate Blue Ribbon Committee.
Giit ni Trillanes, paglabag sa rules ang pagsasabi ni Gordon na on the record nang sabihin niya ang comite de absuelto at pagbabalewala at pang-iinsulto sa isang committee member.
Nagbanta rin si Trillanes na kanyang isisiwalat ang mga umano’y katiwalian ni Gordon bilang Chairman ng Philippine Red Cross.
Umalma naman si Gordon matapos mabanggit ang Philippine Red Cross at hiniling na maalis sa record ng Senado ang sinabi ni Trillanes.
By Krista de Dios
