Nagsimula nang mag-impake sa kaniyang tanggapan si outgoing Justice Secretary Vitaliano Aguirre makaraang tanggapin ni Pangulong Rodrigo Duterte ang kaniyang pagbibitiw.
Kasunod nito, hinikayat ni Aguirre ang lahat ng mga opisyal at kawani ng Department of Justice na suportahan ang hahalili sa kaniyang si incoming secretary Menardo Guevarra.
Ipinagmalaki pa ni Aguirre na nakapag-deliver naman siya sa panahon ng kaniyang panunungkulan bilang kalihim ng kagawaran at taos puso rin siyang nagpasalamat sa pangulo dahil sa tiwalang ibinigay nito sa kaniya.
Magugunitang naging mailap sa mga mamahayag si Aguirre nang dumalo ito sa isang misa sa tanggapan ng DOJ sa halip ay nagpalabas na lamang ito ng isang pahayag sa media.
