Naghain na rin ng certificate of candidacy si dating Laguna Governor ER Ejercito para sa muli nitong pagsabak sa governatorial race sa 2016 elections.
Kasabay ni Ejercito sa paghahain ng COC ang kanyang maybahay na si Pagsanjan Mayor Maita Ejercito na isang re-eleksyunista, pasado alas-9:00 kaninang umaga.
Samantala, bahagyang nagkaroon ng tensyon sa pagpa-file ng COC ang mga Ejercito matapos ipasara ng pamahalaang panlalawigan ang gate ng kapitolyo sa Santa Cruz kung saan matatagpuan ang COMELEC Satellite Office.
Gayunman, hindi natinag ang kampo ng dating gobernador at binuksan ang nakasarang gate at dumaan patungo sa COMELEC.
By Drew Nacino
