Ex-Maguindanao Gov. Sajid Ampatuan at kapatid na si Andal Jr pinaaaresto

Ipinapaaresto na ng Sandiganbayan fifth division sina dating Maguindanao governor Datu Sajid Islam Ampatuan at kapatid nitong si dating Datu Unsay, Maguindanao mayor Andal Ampatuan Jr.

Ang warrant of arrest ay inilabas para sa kanilang kinakaharap na kasong graft kaugnay sa maanomalyang kasunduan ng lokal na pamahalaan at ng istasyon ng Petron sa Shariff Aguak, para magsuplay ng gasolina sa construction projects ng probinsya.

Si Sajid ay mayroong kinakaharap na kasong graft at falsification of public documents, na may piyansang 432 thousand pesos, habang si Andal Jr. naman ay mayroong kasong graft na mayroong piyansang 240 thousand pesos.

By Katrina Valle / (With report from Jill Resontoc)

Comments

comments