Kinumpirma ni Senador Ronald ‘Bato’ Dela Rosa ang pagdalo ni dating pangulong Rodrigo Duterte sa imbestigasyon ng Senado kaugnay sa madugong giyera kontra droga ng nakaraang administrasyon.
Ginawa ng senador ang kumpirmasyon matapos ibahagi ang isang litrato kasama ang dating pangulo at kanyang asawa na si Honeylet Avanceña, at dating House Speaker Pantaleon Alvarez.
Ayon kay Senador Dela Rosa, sinabi rin sa kanya mismo ni dating pangulong Duterte na sisipot siya sa pagdinig, sinuman ang manguna rito.
Nakatakda ang Senate investigation sa drug war campaign ng nakaraang administrasyon sa Lunes, Oktubre a-bente otso. - sa panulat ni Laica Cuevas
