Wala pang malinaw na kumpirmasyon maging pagtanggi ang kampo ni dating Senador Mar Roxas kaugnay sa bali-balitang pagtakbo nito muli sa 2019 midterm elections.
Ayon kay Roxas, mas nais muna niyang ilaan ang kanyang panahon sa kanyang pamilya dahil malaki aniya ang pagkukulang niya rito noong siya ay nanununkulan pa sa gobyerno.
Magugunitang ilang senador ang nagsabing hinihikayat ng Liberal Party si Roxas upang tumakbong muli sa pagka-senador.
Sinabi naman ni Senate Minority Leader Franklin Drilon, desisyon na lamang ni Roxas ang hinihintay ng partido kaugnay panliligaw ng mga ito na magbalik na sa Senado si Roxas.
