Ikinukunsidera ng Philippine National Police (PNP) na lubhang mapanganib at armado ang Dating Bise Alkalde ng Maimbung, Sulu na si Pando Mudjasan.
Ayon kay PNP Public Information Office Chief Brigadier General Redrico Maranan, patunay nito ang naging pakikibakbakan ng kampo ni Mudjasan sa mga otoridad noong Sabado.
Kasalukuyang naka-full alert status pa rin ang Police Provincial Office – Bangsamoro Autonomous Region at nanatili pa rin sa evacuation centers ang mga residenteng lumikas upang matiyak ang kaligtasan ng mga ito.
Batay sa pinakahuling datos ng PNP, isang SAF trooper ang namatay, habang anim na SAF, 4 na miyembro ng Sulu Police Provincial Office, at 1 sundalo ang sugatan at 2 sibiliyan naman ang nadamay sa engkuwentro. - sa ulat mula kay Gilbert Perdez (Patrol 13) .
