Inilahad ng Aegis Juris Fraternity member na si Marc Ventura ang mga huling sandali ng hazing victim at UST Freshman law student na si Horacio “atio” Castillo III bago ito pumanaw sanhi ng hazing.
Sa pagpapatuloy ng pagdinig ng Senate Committee on Public order and Dangerous Drugs, sinabi ni Ventura na nagpasya siyang magpalit ng abogado para masabi niya ng buo ang kaniyang mga nalalaman sa nangyari.
Sinabi ni Ventura na tumagal muna ng halos isang oras bago isinugod sa ospital si Atio kung saan, hindi na ito umabot pa ng buhay.
Kasunod nito, ibinunyag ni Senador Juan Miguel Zubiri ang ilan pang Facebook chat messages ng Aegis Juris members makaraang kumpirmahin ng Manila Police District o MPD na pumayag ang facebook na huwag burahin ang ito upang magamit na Ebidensya.
Lumabas sa nasabing chat ang pangalan ni Atty. Alston Kevin Anarna kung saan, paulit-ulit nitong binanggit ang pangalan ng isang big brother.
