Muling nakapagdaos ng misa si Father Chito Suganob matapos ang halos apat na buwang pagkakabihag sa kanya ng teroristang Maute group sa Marawi City.
Sa loob ng Kampo Aguinaldo kahapon, pinangunahan ni Suganob ang misa na dinaluhan ng nasa 40 military personnel at ilang sibilyan.
Ayon kay Joint Task Force Ranao Col. romeo Brawner, maituturing na thanksgiving mass ang ginawa ni Suganob na lubos ang kagalakan at pasasalamat matapos makaligtas sa bakbakan sa Marawi.
Umaasa naman si Suganob na muli siyang makapagmisa sa St. Mary’s Cathedral oras na matapos na ang kaguluhan sa Marawi.
—-
