Nakatakdang bumisita sa bansa ang Filipino-American Hollywood actress/ singer na si Hailee Steinfeld.
Ito ang masayang inanunsyo ng 19-year old na aktres sa kanyang twitter account.
“Hey Philippines, guess what?” tanong nito.
Si Steinfeld ay nakilala matapos na mapabilang sa mga nominado para sa isang Academy Award sa pagganap sa pelikulang ‘True Grit’ noong 2010.
Hindi naman nagbigay ng karagdagang detalye ang young actress ngunit inaasahang bibisita ito sa bansa sa susunod na buwan.
Matapos ang Academy Award recognition, napabilang din si Steinfeld sa ilang Hollywood films gaya ng ‘Ender’s Game’, ‘Romeo and Juliet’ (2013 adaptation), ‘Begin Again’ at ang hit musical-comedy na ‘Pitch Perfect 2′.
Noong nakaraang taon, pumirma sa isang record deal ang teen star sa Republic Records at inilabas ang kanyang debut single na ‘Love Myself’.
Si Steinfeld ay may dugong Pinoy dahil sa kanyang Filipina mother.
