Aprubado na ni Pangulong Rodrigo Duterte ang E.O. O Executive Order number 46 na nag-aatas sa Bureau of Customs na muling buhayin ang post clearance audit function nito.
Nakasaad din sa nilagdaang E.O. ang pagkakaruon ng financial analytics at intelligence unit ng finance department na siyang susuri sa mga transaksyon.
Kabilang sa magiging trabaho at kapangyarihan ng intel unit ng Department of Finance ang makahingi ng trade and industry data sa mga attached agencies ng kagawaran at repasuhin iyon.
Sakop din ng kautusan ang pagbibigay pahintulot sa financial analysis and intelligence ang magbigay ng rekumendasyon kay Secretary Carlos Dominguez sa mga aksyong dapat gawin nito.
