Nagkasa ng kakaibang approach ang BDO Foundation Incorporated sa pagsusulong ng financial literacy program nito para sa mga mangingisda.
Ayon kay Marikit Naguiat, Program Manager ng BDO Foundation Incorporated isang financial education game na tinaguriang fish and learn ang kanilang naisip na paraan para matulungan ang mga mangingisda na humawak ng kanilang pera base na rin sa kanilang mga dapat na paglaanan.
Sinabi sa DWIZ ni Naguiat na tatlong oras lamang tututukan ng mga mangingisdang beneficiary nila ang nasabing laro at makalipas ang isang linggo ay susubukan na ang mga ito kung makakapagpasya na sa pinansyal na aspeto.
Dito rin aniya makikita kung gaano ka diskarte ang mga mangingisda dahil may mga sitwasyong ilalatag sa nasabing game tulad kung binabagyo at ano ang maaring maging solusyon dito.
