Inalis na rin ang ipinatupad na fishing ban sa tatlong bayan sa Oriental Mindoro na dulot ng oil spill mula sa lumubog na MT Princess Empress noong Pebrero.
Ayon kay Oriental Mindoro Governor Humerlito Dolor, lifted na ang fishing ban sa Calapan city, at mga bayan ng Bansud at Gloria.
Kasunod aniya ito ng naging rekomendasyon ng Bureau of Fisheries and Aquatic Resources Region 4B matapos pumasa sa pamantayan ang kalidad ng tubig at isda sa nabanggit na mga lugar.
Sa kabila nito, hindi pa rin pinapayagan ang pangingisda sa bayan ng Pola, Naujan at Pinamalayan dahil malapit ang mga ito sa pinaglubugan ng oil tanker.
Mayo a-otso nang tanggalin ang fishing ban sa mga bayan ng Baco, San Teodoro, Puerto Galera, Bongabong, Mansalay, Bulalacao at Roxas.
