Siniguro ng liderato ng lungsod ng Caloocan na hindi nito pababayaan ang mga residente ng lungsod.
Sa isang post online, pinakita ng Caloocan LGU ang kanilang puspusang paghahanda sa mga food boxes na kanilang ipamimigay sa residente ng lungsod ngayong muling isinailalim sa enhanced community quarantine (ECQ) ang NCR plus.
Ayon naman kay Caloocan Mayor Oca Malapitan na hindi nito pababayaan ang kanyang mga nasasakupan.
Dagdag pa nito, sisikapin nilang maabot ang bawat pamilya sa lungsod para matiyak na maayos ang kani-kanilang kalagayan ngayon umiiral ang mas mahigpit na quarantine status.
