Iginiit ng National Disaster Risk Reduction and Management Council o NDRRMC na gumana ang libreng mobile alert system bago manalasa ang super bagyong Lawin sa bansa.
Ayon kay NDRRMC Spokesperson Mina Marasigan, nakapagpadala ng babala ang mga telcos partikular na sa mga lugar na tutumbukin ng bagyo.
Sa katunayan aniya, nakatanggap pa ang NDRRMC ng mga mensahe ng pasasalamat mula sa mga taong nakatanggap ng babala sa pamamagitan ng text message.
Paliwanag ni Marasigan, sa mga lugar lamang na apektado ng bagyo ipinadala ang mga babala sa pamamagitan ng pagbato ng mensahe sa mga cellsite na nakatayo mismo sa mga lugar na maaapektuhan ng kalamidad.
By Jaymark Dagala | Jonathan Andal (Patrol 31)
