Dumagsa sa Paris Concert Hall ang French fans ni US Pop Singer Ariana Grande.
Kasunod na rin ito nang pagbuhay ni Ariana sa kanyang European Tour matapos ang suicide bombing sa pagtatapos ng kanyang concert sa Manchester City na ikinasawi ng dalawamput dalawa (22) katao.
Kaugnay nito, mahigpit ang ginawang pagbabantay ng malaking puwersa ng mga otoridad sa labas ng Accor Hotels Arena habang hinarang ang paligid ng venue, ilang oras bago magsimula ang nasabing concert.
Mahigpit din ang isinagawang pag inspeksyon sa mga bag ng mga concertgoers habang umiikot ang sniffer dogs.
Magugunitang nitong linggo rin idinaos ang benefit concert na handog ni Ariana kasama ang iba pang kilalang singers para sa mga biktima ng Manchester bombing.
By Judith Larino
