Mananatili ang full alert status ng National Capital Region Police Office (NCRPO) hanggang sa susunod pang dalawang linggo.
Ito, ayon kay NCRPO Chief Dir. Guillermo Eleazar, ay dahil sa sunud-sunod na malalaking pagtitipon sa iba’t-ibang panig ng Metro Manila kasabay ng pista ng Sto. Niño.
Ayon kay Eleazar, inatasan na niya ang lahat ng mga district directors na panatilihin ang kapayapaan at kaayusan sa kanilang mga nasasakupan.
partikular na tututukan ang mga lugar na dinarayo tulad ng Tondo at Pandacan, Maynila maging sa iba’t-ibang lungsod at bayan sa Metro Manila na ang kanilang patron ay si Santo Niño.
Dahil dito ay magpapatuloy aniya ang police visibility at operasyon kontra kriminalidad at iligal na droga para sa kaayusan ng mga nakakasang pagdiriwang.
