Tinanggal na ng Emirate of Dubai ang full lockdown sa Al-Ras at Naif districts –dalawa sa mga distrito ng Dubai na may malaking papulasyon ng migrant workers.
Matatandaang sinelyuhan ng Emirate of Dubai ang Al-Ras at Naif matapos kumalat ang coronavirus disease 2019 (COVID-19) sa mga dayuhang manggagawa na nakatira sa mga masikip na lugar.
Ang pagtanggal sa full lockdown sa dalawang distrito ng Dubai ay kasunod ng pagtanggal sa Emirate-wide 24-hour lockdown at ibaba sa alas-10 ng gabi hanggang alas-6 ng umaga na lamang ang curfew.
Naabot ang desisyon matapos na wala nang maitalang bagong kaso ng COVID-19 sa Emirate sa nakalipas na dalawang araw.
